Линктер

ЧУКУЛ КАБАР!
16-Октябрь, 2021 ишемби, Бишкек убактысы 18:57

Түркия менен саламаттык сактоо жаатында макулдашуулар болду


Түркиянын саламаттык сактоо министри Фахреттин Кожа жана элчи Кубанычбек Өмүралиев.

3-сентябрда Кыргызстандын Түркиядагы элчиси Кубанычбек Өмүралиев менен Түркиянын саламаттык сактоо министри Фахреттин Кожа жолугушту. Жолугушууда Бишкектеги кыргыз-түрк достук ооруканасын ачууну тездетүү жана Түркияда квота менен дарыланган кыргызстандыктарды 100 кишиден 150 кишиге чейин кѳбѳйтүү боюнча макулдашуулар каралды.

Министр Фахреттин Кожа ошондой эле кыргыз тарап жер тилкеси бѳлүп берсе Кыргызстанда диагностикалык борбор куруу жөнүндө сунуш киргизди.

Элчи Кубанычбек Өмүралиевдин Түркиядагы кыргызстандык бейтаптарга каралган кохлеардык имплант операциясын тездетүүнү жана Кыргызстандын дарыгерлеринин Түркияда стажировка өтүүсүн макулдашканы кабарланды.

2014-жылы Кыргызстан менен Түркиянын өкмөттөрүнүн ортосундагы макулдашууга ылайык, жыл сайын Кыргызстандан 100 бейтап Түркияга келип, акысыз дарыланып жүргөн. 2019-жылы май айында квотаны 150 кишиге көбөйтүү боюнча протоколго кол коюлган. Алардын 50сүн Саламаттык сактоо министрлиги, калганын Түркия элчилиги тандап жиберет. (ElB)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG