АКШнын мамлекеттик катчысы Жон Салливан менен Орусиянын тышкы иштер министринин орун басары Олег Сыромолотов 9-сентябрда Венада жолугуп, терроризмге каршы күрөш боюнча кезектеги жолугушуусун өткөрөт.
- Салливан Сыромолотов менен маалымат алмашуу, Бириккен Улуттар Уюмунда террорчулардын тизмесин аныктоо, чет элдик согушкерлер, терроризмди каржылоо, авиациялык коопсуздук жана эл аралык терроризм коркунучу жана башка актуалдуу темаларды талкуулайт - деп айтылат Мамлекеттик департаменттин билдирүүсүндө.
Ал эми Сыромолотов жогорудагылардан тышкары “Ислам мамлекети” террордук уюмунун Ооганстандагы иш-аракеттери талкуулана турганын билдирди.
Анын мамлекеттик ТАСС агенттигине айтканына караганда, терроризмге каршы күрөш боюнча кызматташтык - башка тармактардагы мамиледе да эки тараптуу ишенимди беемдөөгө жардам берет.
