Линктер

ЧУКУЛ КАБАР!
17-Октябрь, 2021 жекшемби, Бишкек убактысы 19:46

Өмүрбекова Бишкектеги стадионду оңдоого тапшырма берди


Дөлөн Өмүрзаков атындагы стадион.

Вице-премьер-министр Алтынай Өмүрбекова Дөлөн Өмүрзаков атындагы стадионго көчмө жыйын өткөргөнүн өкмөттүн басма сөз кызматы маалымдады.

Жыйында Жаштар иштери, дене тарбия жана спорт боюнча мамлекеттик агенттигинин өкүлдөрү стадионду оңдоп-түздөө, айрым отургучтарды алмаштыруу керек экенин айтышты.

Өмүрбекова тийиштүү тараптарга футбол боюнча алдыдагы оюндарды татыктуу өткөрүш үчүн стадионду даярдоого тапшырма берди.

«Ак шумкарлардын» тандоо оюндарындагы алгачкы беттеши 5-сентябрда Дүйшөмбү шаарында өтүп, анда кыргыз футболчулары Тажикстандын курама командасына 0:1 эсеби менен жеңилген.

Кийинки турдун оюндары 10-октябрга белгиленген. Мында Кыргызстан менен Мьянманын курама командалары беттешет. Оюн Бишкектеги Дөлөн Өмүрзаков атындагы стадиондо өтөт.

2022-жылы Катарда өтө турган дүйнө чемпионатынын жана 2023-жылы Кытайда өтө турган Азия Кубогунун тандоо оюндарынын 2-баскычында Кыргызстан F тайпасына туш болуп, Тажикстан, Жапония, Мьянма жана Монголия менен атаандаш команда катары ойноп жатат. 5-сентябрда башталган тандоо оюндарынын экинчи баскычы кийинки, 2020-жылдын 9-июнуна чейин уланат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG