Линктер

шейшемби, 15-октябрь, 2019 Бишкек убактысы 02:28

Чүйдөгү Шамшы жайлоосунда тогуз чабан изделип жатат


ӨКМ адистери.

Чүй облусундагы Шамшы жайлоосунда 9-сентябрда жааган калың кардан кийин дайыны чыкпай жаткан тогуз чабан изделүүдө.

Алар менен мал-жандыктарды кайтарып жүргөндө байланыш үзүлгөнү тууралуу жакындары кабарлашкан.

Өзгөчө кырдаалдар министрлигинин басма сөз катчысы Элмира Шерипова "Азаттыкка" ыкчам топ түзүлүп, издөө иштерин жүрүп жатканын билдирди.

Чабандардын арасында өспүрүмдөр да бар экенин туугандары кабарлашууда.

14-сентябрдагы расмий маалыматка ылайык, жалпы республика боюнча ушул күндөрү жайлоодон 40 чабан 299 жылкы, 1183 бодо мал жана 25 миң 716 кой-эчкиси менен жакага көчүрүлдү.

Калың кардан улам жети жылкы, бир уй жана 265 кой-эчки кырылган.

XS
SM
MD
LG