Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 17:48

Бурятиядагы митингге миңден ашык адам чогулду


Митингдин катышуучулары.

Бурятиянын борбору Улан-Удэде таза шайлоо үчүн жана милициянын мыйзамсыз аракеттерине каршы митингге миңден ашык адам чогулду. Бул тууралуу «Новая газета» гезитинин кабарчысы билдирди.

Акцияга чогулгандар аймактын башчысынын кызматтан кетишин, мыйзам бузуу менен коштолгону айтылган Улан-Удэнин мэрин шайлоонун жыйынтыгын жокко чыгарууну жана айрым активисттерге карата куугунтукту токтотууну талап кылышты.

Юбилейный аянтындагы митингге Орусиянын Федерация Кеңешинин мүчөсү Вячеслав Мархаев да катышты. Ал Улан-Удэнин мэрлигине талапкерлигин коюп, өтпөй калган.

Кийинчерээк митингчилерге Бурятиянын башчысы Алексей Цыденов да келди. Ага акциянын катышуучулары «Уят!», «Кызматтан кет!» деп кыйкырып жатышты.

Аймактын башчысы митингде айтылган талаптарды компетенттүү органдарга жеткирерин билдирип, катышуучуларды тынчтанууга чакырды.

Орусиянын курамындагы Бурятияда митинг 9-сентябрда башталган. Алгач ал «орус президенти Владимир Путинди бийликтен түшүрүү» максаты менен жолго чыккан якутиялык бакшы Александр Габышевди колдоо иретинде өткөн. Кийин милициянын митингчилерди таратыш үчүн күч колдонушуна нааразылыктан улам акция уланып келет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG