Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 00:51

Кыргыз-тажик чек арасында жергиликтүү эл чогуу футбол ойноду


Футбол таймашы. 23-сентябрь, 2019-жыл.

Баткен облусундагы Лейлек районуна караштуу Максат айылына жакын кыргыз-тажик чек арасында талаштуу деп сөз болуп жаткан спорт аянтчасында эки тараптан чогулган жаштар үчүн футбол таймашы уюштурулду.

23-сентябрда өткөн оюнга Лейлек районунун акими Баймурат Бекмуратов менен Тажикстандын чектеш Гафуров районунун жетекчиси Зариф Назири да катышты. Алардын айтымында, эми мындан ары эки тарап бул аянтчаны биргелешип пайдаланмай болушту.

Бүгүнкү оюнга катышкан командалар эки тараптан аралашып түзүлдү.

16-сентябрда кечке маал Максат айылына жакын жерде Кыргызстан менен Тажикстандын чек арачыларынын ортосунда атышуу болгон. Анын кесепетинен кыргызстандык чек арачы Равшан Муминов курман болуп, 13 адам жараат алган. Ал эми Тажикстан кыргыз-тажик чек арасындагы атышуудан үч чек арачысы каза болгонун кабарлаган.

Ошол окуядан кийин бул спорттук оюн эки тараптын өкүлдөрү биргелешип уюштурган алгачкы иш-чара болуп калды. (JsA)

Пикирлерди көрүңүз (15)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG