Линктер

шейшемби, 15-октябрь, 2019 Бишкек убактысы 02:16

Президент спортчу Тыныбековага батир берди


Кыз-келиндер күрөшү боюнча дүйнө чемпиону Айсулуу Тыныбековага президент Сооронбай Жээнбеков үч бөлмөлүү батир берди. Бул тууралуу анын машыктыруучусу Нурбек Изабеков маалымдады. Ал эми машыктыруучусуна акчалай сыйлык, Тыныбекованын ата-энесине болсо президенттин атынан энчилүү саат тапшырылды.

Айсулуу Тыныбекова 20-сентябрда Казакстандын Нур-Султан шаарында өткөн Күрөш боюнча дүйнө чемпионатында жеңүүчү аталды. Ал кыз-келиндердин эркин күрөшүнөн 62 килограммга чейинки салмакта күч сынашып, финалдык таймашта болгариялык Тайбе Мустафа Юсеинди 5:3 эсебинде жеңип алды.

Айсулуу Тыныбекова - Кыргызстандын спорт тарыхында күрөш боюнча дүйнө чемпиондугун жеңген биринчи балбан жана Кыргызстан эгемендикке ээ болгондон бери спорттун Олимпиадалык 29 түрүнөн алтын байге алган алгачкы спортчу.

Пикирлерди көрүңүз (25)

XS
SM
MD
LG