Билим жана илим министрлиги Сокулук районундагы жалпы 17 мектептин директорлору, райондук билим берүү жетекчиси жана акча чогултууга каршы болуп жаткан ата-энелер менен бирге жыйын өткөрдү. Бул тууралуу Билим берүү жана илим министрлигинин басма сөз кызматы билдирди.
Жыйынга министр Каныбек Исаков катышып, айрым үй-бүлөлөрдүн социалдык абалын карап каражат топтоодон бошотууну сунуш кылды. Ал эми мектеп директорлору ата-энелер чогулткан акчанын бирдиктүү суммасын бекитүүнү сунуш кылышты. Бирок ата-энелердин өкүлү катары Чынара Апиева акча чогултуу ачык-айкын болушу керек экенин айтты.
Жыйындын соңунда тараптар мындан ары мектеп фонддоруна чогултулуучу каражаттын суммасын ата-энелер өздөрү аныктап, аны көзөмөлгө алууну сүйлөштү. Мектеп жетекчилери бул жараянга такыр кийлигишпөөгө макул болушту. (TSh)
