Линктер

ЧУКУЛ КАБАР!
23-Июль, 2024-жыл, шейшемби, Бишкек убактысы 04:55

Сотто Текебаев менен Чотоновдун иши боюнча кезектеги отурум болот


Текебаев жана Чотонов.
Текебаев жана Чотонов.

Үй камагында отурушкан «Ата Мекен» партиясынын лидери Өмүрбек Текебаев менен мурдагы министр, экс-элчи Дүйшөнкул Чотоновдун ишин жаңы ачылган жагдайларга байланыштуу кароо Бишкектин Биринчи май райондук сотунда 1-октябрда улантылат. Бул тууралуу алардын жактоочулары билдиришти.

29-августта райондук сот алардын бөгөт чарасын өзгөртүп, сот залынан бошоткон.

12-сентябрдагы отурум болуп, адвокаттар ишти кайра кароого негиз болгон жагдайларды тизмектеп, ишти кароо тартиби бекитилген.

Өмүрбек Текебаев менен Дүйшөнкул Чотонов «орусиялык жаран Леонид Маевскийден пара алды» деген көрсөтмөнүн негизинде, 2017-жылы ар бири сегиз жылдан түрмөгө кесилген. Муну алар мурдагы президент Алмазбек Атамбаевдин бийлигинин куугунтугу катары баалашкан. (SE)

XS
SM
MD
LG