Линктер

шаршемби, 23-октябрь, 2019 Бишкек убактысы 11:50

ИИМ Батукаевдин ишин тергеп бүттү


Азиз Батукаев.

Ички иштер министрлигинин (ИИМ) Тергөө кызматы кримтөбөл Азиз Батукаевдин түрмөдөн мыйзамсыз бошотулушу боюнча ишти тергеп бүттү. Иш Жазык кодексинин «Коррупция» беренеси менен иликтенип, материалдар 27-сентябрда Башкы прокуратурага жиберилди. Башкы көзөмөл органы чечимдердин мыйзамдуулугун карап, сотко жөнөтөт.

Бул иште шек саналган 19 кишинин 14ү тергөө менен кызматташууга макул болуп, тийиштүү кагазга кол койгон.

Бул иште аты аталган Улуттук коопсуздук боюнча мамлекеттик комитеттин (УКМК) мурдагы төрагасы Бусурманкул Табалдиевди Интерпол аркылуу издөө уланууда.

Батукаев 2013-жылдын апрелинде «оор дартка кабылды» деген негизде Нарын шаардык сотунун чечими менен мөөнөтүнөн мурда түрмөдөн бошотулуп, чартердик учакта Чеченстанга учуп кеткен.

Бул ишке байланыштуу мурдагы президент Алмазбек Атамбаев баш болгон жоон топ саячатчылар айыпталууда. (SE)

Пикирлерди көрүңүз (4)

XS
SM
MD
LG