Орусиянын Роскомнадзор мекемеси «Фергана» маалымат агенттигине бөгөт койду. Басылма мамлекетте тыюу салынган маалыматтарды тараткан ресурстардын тизмесине кошулду.
Орусияда каттоодон өткөн «Фергана» агенттиги Борбор Азия мамлекеттерине байланышкан макалалар менен баяндарды жарыялайт. Сайтта жазылгандай, басылмага коюлган чектөөнүн чоо-жайы жөнүндө Роскомнадзор эскерткен эмес.
«Фергана» сайтына буга чейин ар кандай себептер менен түрдүү өлкөлөрдө бөгөт коюлган.
