Линктер

ЧУКУЛ КАБАР!
13-Май, 2021 бейшемби, Бишкек убактысы 09:40

Акча которууга киргизилген чектөө боюнча чечим кийинки жылы кабыл алынат


Иллюстрациялык сүрөт

Орусиядан которулган акчага чектөөнү алуу боюнча маселе Евразия өкмөт аралык кеңешинин кийинки жыйынында каралат. Бул тууралуу кыргыз өкмөтүнүн Евразия Экономикалык Биримдигиндеги атайын өкүлү Алмаз Сазбаков билдирди. Анын айтымында, Москвада өткөн кеңештин жыйынында кыргыз тарап бул маселени көтөргөн.

- Акча которууга 100 миң рублдик чектөөнү алуу боюнча маселе кыргыз тараптын демилгеси менен көтөрүлдү. Маселени кароонун жыйынтыгында "ЕАЭБге мүчө өлкөлөрдүн борбордук банктары талкуулап, бир пикирге келиши керек" деген чечим кабыл алынды. Кыргызстан үчүн эгер ушундай чектөөлөр болсо ал кайсы бир тарапты дискриминациялагандай болбошу керек. Эми бул тапшырманын негизинде өнөктөш өлкөлөрдүн борбордук банктары кеңешип, кезектеги өкмөт аралык кеңешке маалымат берет.

Евразия өкмөт аралык кеңешинин кийинки жыйыны 2020-жылдын 30-январында Казакстандын Алматы шаарында өтөт.

Быйыл апрелде Орусиядан Казакстанга, Кытайга, Вьетнамга, Кыргызстанга акча которууга айына 100 миң рублдик чектөө киргизилген.

Буга чейин кыргыз өкмөтү Орусиянын акча которууга киргизген чектөөсү ишкерлик менен алектенген мигранттарга терс таасирин тийгизип жатканын айтып чыккан. (BkA)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG