Европа мамлекеттери менен Кыргызстандын ортосундагы маданий алаканы бекемдеш үчүн жыл сайын уюштурулуп жүргөн иш-чаранын алкагында орус тилиндеги субтитрлери коюлган 11 кинотасма «Ала-Тоо» кинотеатрында көрсөтүлөт.
Көрүүчүлөргө Австрия, Белгия, Германия, Франция, Италия, Словакия, Словения, Испания, Латвия, Эстония жана Румыния өлкөлөрүнүн тасмалары тартууланат.
Кирүү акысыз, билеттерди тасма көрсөтүлүүчү күнү кинотеатрдын кассасынан алып кетүү зарыл. Европа Биримдигинин өкүлчүлүгү жана Европа Биримдигине кирген өлкөлөрдүн Кыргызстандагы элчиликтери уюштуруп жаткан фестиваль 31-октябрга чейин уланат. (BTo)
