Линктер

ЧУКУЛ КАБАР!
4-Декабрь, 2021 ишемби, Бишкек убактысы 17:51

Шайлоо босогосун төмөндөтүү боюнча мыйзам долбоору коомдук талкууга коюлду


Иллюстрациялык сүрөт.

Кыргызстанда шайлоо босогосун төмөндөтүү жөнүндөгү мыйзам долбоору талкууга коюлду. Президентти жана парламент депутаттарын шайлоо жөнүндөгү конституциялык мыйзамга өзгөртүү киргизүү тууралуу мыйзам долбоору парламенттин сайтына жарыяланды.

Депутат Мирлан Жээнчороевдин айтымында, коомдук талкууга бир айлык мөөнөт берилет.

- Коомдук талкуу бир ай. Кийин парламентте ар бир окууда колдоого ээ болсо 1 ай же 40 күндөй. Эгер Жогорку Кеңештен колдоо тапса президентке кол коюуга баруу мөөнөтү 20 күндөн ашуун эмес, - деди ал.

Сунушталып жаткан негизги өзгөртүү – шайлоо босогосун азыркы 9 пайыздан 5 пайызга түшүрүү.

Долбоордун негиздемесинде жазылгандай, «азыркы кырдаалда өтүү босогосу 9% болушу парламентте түрдүү саясий күчтөрдүн пропорциялуу өкүлчүлүктөрүнө, ошондой эле жарандардын Жогорку Кеӊешке өкүлчүлүк болуусуна конституциялык укуктарына чек салууга алып келет. Эл аралык тажрыйба көрсөткөндөй, жасалма түрдө жогорулатылган босого шайлоочулардын парламентке келе албаган 40-50 пайызын элеп салат».

Демилгечи депутаттар – Мирлан Жээнчороев, Жанарбек Акаев, Наталья Никитенко, Исхак Масалиев жана Дастан Бекешев.

Кыргызстанда 2010-жылы шайлоо босогосу 5% болчу. 2015-жылдагы шайлоо алдында 7% болуп өзгөртүлгөн. 2017-жылы кабыл алынган мыйзам боюнча Жогорку Кеңешке барам деген партиялар бардык добуш берүү бекеттерине келген шайлоочулардын добушунун 9 пайыздан кем эмесин алууга тийиш.

“Азаттыктын” түшүндүрмө видеосун көрүңүз.

Кыргызстанда кезектеги парламенттик шайлоо 2020-жылдын 4-октябрында өтөт. (RK)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG