Линктер

ЧУКУЛ КАБАР!
9-Декабрь, 2021 бейшемби, Бишкек убактысы 12:29

БУУнун Улуттар ордосунда кыргыз ырлары жаңырды


Гүлзада Рыскулова Женевада.

Женевада Бириккен Улуттар Уюмунун (БУУ) аялдар маселеси талкууланган жыйындын алкагында кыргыз ырлары жаңырды.

Кыргызстандын эмгек сиңирген артисти Гүлзада Рыскулова Улуттар ордосундагы маданий программага катышканын «Азаттык» радиосуна айтып берди.

Женева шаарында бул күндөрү вице-премьер-министр Алтынай Өмүрбекова баштаган кыргыз делегациясы «Пекин+25» платформасынын расмий жыйындарына катышууда.

Гендердик теңчилик маселесин талкуулоо үчүн чогулган делегациялардын жыйындарынын, жолугушууларынын күн тартибинде аялдардын мүмкүнчүлүгүн кеңейтүү, адам укуктарын бардык тараптан сактоо жана жакырчылыкты жоюу багыттары камтылды.

Вице-премьер-министр Алтынай Өмүрбекова Кыргызстанда акыркы он жыл ичинде өнүгүү чөйрөсүндөгү максаттарга жетүүдө алдыга карай жылыш бар экенин белгилеп, гендер жана улуттук мыйзам базасын иштеп чыгуу боюнча аткарылып жаткан иштер тууралуу маалымдады.

Пекин декларациясы Кытайдын борбор шаарында, 189 өлкөнүн катышуусу менен өткөн ири жыйында 1995-жылы кабылган.

Гүлзада Рыскулова сахнага кыргыздын улуттук кийимин кийип чыгып, "Мен кыргыздын кызымын", "Алдей ыры" деген ырларын аткарып, "Курманбек" эпосунан үзүндү айтты. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG