Линктер

ЧУКУЛ КАБАР!
9-Май, 2021 жекшемби, Бишкек убактысы 13:33

Юрий Дудь тарткан «Колыма» фильми өзбек тилине которулду


Орусиядагы белгилүү блогер жана журналист Юрий Дудь тарткан «Колыма» фильми өзбек тилине которулду. Тасмада Иосиф Сталиндин кылмыштары жаштарга ылайыктуу тил менен сүрөттөлгөн.

«Колыма - жүрөк үшүн алган жер» деп аталган фильмди өзбек тилине дубляж кылган топтун башчысы - 30 жаштагы блогер Нурбек Алимов. Ал «Азаттыктын» өзбек кызматына комментарий берип, тасманы которууга Юрий Дуддан уруксат алынганын, 1-ноябрда фильм «YouTube» порталына коюлганын билдирди. «Аны жаштар көрүшү керек», - деди Алимов.

«Левада-Центр» уюму орусиялыктар арасында сурамжылоо жүргүзгөндө 77 пайызы Сталиндин саясатын колдогон. Алардын көбү жаштар болгон. Көбү Сталиндин репрессия саясатынан кабарсыз экенин билдиришкен. Ушундан улам журналист жана видеоблогер Юрий Дудь 2019-жылдын башында Колымадагы Сталин лагерлери жөнүндө фильм тартып, жарыялаган.

Совет бийлигинин диктатор жетекчиси катары сыпатталган Иосиф Сталиндин бийлигинин тушунда жүздөгөн илимдүү кишилер репрессияга кабылып, жок кылынган.

«Колыма» фильминин өзбекче котормосу:

XS
SM
MD
LG