Премьер-министр Мухаммедкалый Абылгазиев Саламаттык сактоо министрлигине 8-ноябрь күнү Бишкек шаарында "Антошка" кафесинен чыккан өрттүн кесепетинен жабыркагандарга тиешелүү медициналык жардам көрсөтүү жана дарылоо боюнча чараларды көрүүнү тапшырды.
Бул тууралуу өкмөттүн басма сөз кызматы маалымдады.
8-ноябрда, саат 13:45 чамасында тез татым ашканасында жарылуу болгон. Алдын ала маалыматтар боюнча кырсыктан 13 адам жараат алган, алардын ичинде үч бала бар, жабыркагандардын бири жеринде каза болду.
Үч бала "Тез жардам" кызматы аркылуу Балдардын шаардык ооруканасына жеткирилип, дарыгерлердин кароосунан кийин амбулатордук дарыланууга коё берилди.
Бишкектеги травматологиялык ооруканага тогуз адам жеткирилди. (ZKo)
