Линктер

ЧУКУЛ КАБАР!
бейшемби, 21-ноябрь, 2019 Бишкек убактысы 02:16

Боливиянын президенти жаңы шайлоо өткөрүүгө макул болду


Борбор Ла-Пас шаарындагы Моралеске каршы митинг. 9-ноябрь, 2019-жыл.

Боливиянын президенти Эво Моралес үч жумага созулган нааразылык акцияларынан кийин жаңы шайлоо өткөрүүгө макул болду. Ошондой эле Борбордук шайлоо комиссиясы да кайра түзүлөрүн жарыялады.

Боливияда шайлоо 20-октябрда өткөн. Өлкөнүн Жогорку шайлоо соту Эво Моралес 47 пайыздан көбүрөөк, анын атаандашы Карлос Меса 36,5 пайыз добуш алган деп тааныган. Ушундан соң Моралес өзүн жеңүүчү деп жарыялаган. Шайлоо учурунда одоно мыйзам бузуулар болгонун айткан Меса жыйынтыкты тааныбай, тарапташтарын көчөгө чыгып, экинчи айлампаны талап кылууга чакырган.

Моралес адегенде оппозицияны мамлекеттик төңкөрүш уюштуруу аракетине айыптап чыккан. Кийинчерээк маселени сүйлөшүү жолу менен чечүүнү сунуш кылган. Карлос Меса өкмөттү алдамчылыкка айыптап, ишембиде сүйлөшүүдөн баш тарткан.

60 жаштагы Эво Моралес Боливияны 2006-жылдан бери башкарып келатат.

Пикирлерди көрүңүз (1)

XS
SM
MD
LG