Балкан жарым аралынын батышындагы Албания, Түндүк Македония жана Сербия мамлекеттери адамдардын ич ара катташына жана товарлардын өтүшүнө тоскоолдуксуз шарт түзүп бермей болушту.
Түндүк Македониянын премьер-министри Зоран Заев 10-ноябрда Албаниянын лидери Эди Рама жана Сербиянын президенти Александар Вучич менен өткөн жолугушуудан кийин: «Биз демилге көтөрүп, планыбызды тактадык. Бул таптакыр башкача Балкан болот», - деп билдирди.
Үч жетекчи белгилегендей, эркин соода аймагы экономикалык өнүгүүнү жана инвестициянын көбүрөөк келишин шарттайт.
Бул долбоор «Чакан Шенген» деген аталышка ээ болду. (RK)
