Линктер

ЧУКУЛ КАБАР!
жума, 13-декабрь, 2019 Бишкек убактысы 19:58

Пакистанда нааразылык акциялары жер-жерлерде уланмай болду


Исламабад. 14-ноябрь, 2019-жыл.

Пакистанда нааразылык акциясына чыккандар баш калаанын негизги көчөсүн бошотуп, өлкөнүн аймактарында жолдорду буумай болушту.

Өкмөткө каршы демонстрацияга чыккандардын башчысы, исламчыл партиянын лидери Маулана Фазлур Рехман чогулгандарга кайрылып: «Ар бириңер өзүңөр жашаган жерге барып, жолдорду тоскула!» деп буйрук берди.

Өткөн айда Карачи шаарынан башталган нааразылык акциялары борбор калаа Исламабадга чейин жеткен.

Түмөндөгөн адам 31-октябрда көчөгө чыгып, премьер-министр Имран Хандын кетишин жана жаңы шайлоо өткөрүүнү талап кылган.

Нааразылыктын айынан Пакистанды Ооганстан менен байланыштыруучу Кветта-Чаман автожолу жабылып, оор жүк ташуучу автомашиналардын тыгыны пайда болгон.

Оппозициянын пикиринде, азыркы өкмөт бурмаланган шайлоонун негизинде бийликке келгендиктен мыйзамсыз болуп эсептелет.

Өкмөт болсо өзүнө карата дооматтарды четке кагууда. (RK)

Пикирлерди көрүңүз

XS
SM
MD
LG