Линктер

ЧУКУЛ КАБАР!
5-Декабрь, 2021 жекшемби, Бишкек убактысы 11:40

Өкмөт Кытай жана Индия менен өнүктүрүү фонддорун түзгүсү келет


Мухаммедкалый Абылгазиев.

Кыргызстан Орусия менен түзгөн Өнүктүрүү фонду сыяктуу бирикмелерди Кытай жана Индия мамлекеттери менен да түзүүнү көздөп жатат. Бул тууралуу өкмөт башчы Мухаммедкалый Абылгазиев 12-ноябрда Жогорку Кеңеште былтыркы жылдын бюджетинин аткарылышы жөнүндөгү мыйзам долбоору биринчи окууда каралып жатканда билдирди.

Премьер-министрдин айтымында, мындай фонддордун каражатын жаштардын ишкерлик демилгелерин колдоого жумшоо планы бар.

- Орус-кыргыз фонду, мамлекеттик банктар сыяктуу каражаттарды көбөйтүшүбүз керек, - деди ал. - Орус-кыргыз фондуна окшогон биздин ишкерлерди каржылоо механизмдери тууралуу Индия менен, Кытай менен сүйлөшүүлөр жүрүп жатат. Фонддордукун көбүнчө жаштардын ишкердигин колдоо, стартаптар боюнча кийинки жылы 2 миллиард сомдун башы чыгып жатат.

Орус-кыргыз өнүгүү фонду 2014-жылы түзүлгөн. Кыргызстандын Евразия Экономикалык Биримдигинин шарттарына ылайыкташуусуна көмөк көрсөтүү максатында орус өкмөтү бөлгөн 500 миллион доллардан кыргызстандык ишкерлерге насыя берилүүдө. (RK)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG