Линктер

ЧУКУЛ КАБАР!
4-Декабрь, 2021 ишемби, Бишкек убактысы 14:10

Тогуз айда экспорт 1,3 млрд. доллар болуп, импорт 7,3% азайды


«Бишкек» эркин экономикалык аймагындагы компаниялардын жумушчулары. Иллюстрациялык сүрөт.

2019-жылдын тогуз айында экспорт 1,3 млрд. долларды түздү. Бул өткөн жылдын деңгээлинен 11,7% көп. Ошол эле маалда импорт 7,3 пайызга азайды. Бул тууралуу бүгүн, 14-ноябрда премьер-министр Мухаммедкалый Абылгазиев парламентте сүйлөп жатып билдирди. Өкмөт башчынын айтымында, соода балансынын тартыштыгы 15,8% азайган. Буга ички өндүрүштүн өсүшү, ата мекендик өндүрүмдүн экспортунун көбөйүшү себеп болгон.

Абылгазиев белгилегендей, өкмөт ата мекендик өндүрүүчүлөрдү колдоо, импорттун көлөмүн азайтуу, экспортко багытталган товарларды колдоого артыкчылык берүүдө.

2019-жылы текстил импорту 21,5% түзүп же 3 млн. долларга кемиген, экспорт 37,4% же 354 миң долларга арбыган. Ата мекендик өндүрүш 30,1% көбөйдү. Цемент импорту 4,6% түзүп же 502 миң долларга азайган, экспорт 41,4% же 7,2 млн. долларга көбөйгөн. Өндүрүш 8,3 % көбөйдү. Ошол эле кезде териден жасалган буюмдардын импорту 2,6 эсеге же 31,2 млн. долларга кемип, экспорт 3,3 млн. долларга арбыган.

Учурда Жогорку Кеңеш «Кыргызстандын 2019-жылга республикалык бюджети жана 2020-2021-жылдарга болжолу жөнүндө» мыйзамга өзгөртүүлөрдү киргизүү тууралуу» мыйзам долбоорун карап жатат. (КЕ)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG