Линктер

ЧУКУЛ КАБАР!
дүйшөмбү, 9-декабрь, 2019 Бишкек убактысы 02:12

Макрон: Украин кемелерин бошоткону Путинге ишенимди арттырат


Орусия Украинанын үч аскердик кемесин мындан бир жыл мурда Керч кысыгынан кармап кеткен.

«Орус президентинин бул кадамы Парижде өтүүчү Орусия-Украина мамилесине арналган саммиттин алдында ишеним жаратат» деп билдирди француз лидери. Макрон бул тууралуу 18-ноябрда Орусиянын мамлекет башчысы Владимир Путин менен телефон аркылуу сүйлөшкөндөн кийин билдирди. Анда тараптар декабрга белгиленген саммит тууралуу да талкуулашкан.

Украинанын «Бердянск» жана «Никополь» аскердик катерлери жана «Яны Капу» чиркегичи 17-ноябрда Орусиянын деңиз кароолунун коштоосунда Керч кысыгынан, «Генмола» акваториясынан чыгып кеткенин расмий Москвага шилтеме кылып, ТАСС жазды.

9-декабрда Парижде Орусиянын президенти менен Украинанын лидери жолугат. Жолугушууга француз президенти менен Германиянын канцлери катышат.

Путин менен Зеленскийдин бул жолку кездешүүсү - украин лидери мамлекет башына шайланып келгенден берки алгачкы жолугушуу.

Пикирлерди көрүңүз

XS
SM
MD
LG