Линктер

ЧУКУЛ КАБАР!
4-Декабрь, 2021 ишемби, Бишкек убактысы 22:11

Аксы райондук билим берүү бөлүмүнүн башчысы кызматтан алынды


Аксы району.

Жалал-Абад облусунун Аксы районундагы №13 Жоробек Мамытбеков атындагы орто мектептин 10-11-классынын окуучу кыздарынын мушташына байланыштуу Аксы райондук билим берүү бөлүмүнүн башчысы Угулай Зиябекова кызматтан алынды.

Бул тууралуу Билим берүү жана илим министрлигинин басма сөз кызматы билдирди.

Маалыматка караганда, райондук билим берүү бөлүмүнүн жетекчиси «Мамлекеттик, жарандык кызмат жана муниципалдык кызмат жөнүндөгү» мыйзамдын 47-беренесине («Кызыкчылыктардын кагылышуусу») ылайык жумуштан алынды.

20-ноябрда социалдык тармактарга Аксы районундагы №13 Жоробек Мамытбеков атындагы орто мектептин 10-11-классынын окуучу кыздарынын мушташы тартылган видеотасма тараган.

Министрлик тараткан маалыматта жетекчи окуучулар арасында тиешелүү тарбиялык иштерди жүргүзбөгөнү, Зиябекованын буга чейин да жоюлбаган тартиптик жазасы бар экени айтылат. (BTo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG