Линктер

ЧУКУЛ КАБАР!
ишемби, 14-декабрь, 2019 Бишкек убактысы 17:17

Азимжан Аскаров өкмөткө кайрылды


Азимжан Аскаров. 2017-жыл.

Июнь окуясы үчүн өмүрүнүн аягына чейин эркинен ажыратылган Азимжан Аскаров премьер-министр Мухаммедкалый Абылгазиевге кайрылып, Бириккен Улуттар Уюмунун Адам укуктары боюнча комитетинин пикирине байланыштуу кандай иштер аткарылганы тууралуу маалымат берүүнү өтүндү.

«2016-жылдын 31-мартындагы пикир боюнча кандай чара көрүлгөнү тууралуу маалымат берүүңүздөрдү өтүнөм. Жакында бул пикир айтылганына төрт жыл болот. Эреже боюнча анын аткарылышы тууралуу өкмөт 180 күндүн ичинде маалымат бериши керек эле», - деп айтылат Аскаровдун 25-ноябрда жарыяланган кайрылуусунда.

Жогоруда аталган документте БУУ комитети Аскаровго айып коюу жана соттоо жараянында бир катар мыйзам бузуу болгону жазылган. Кыргыз өкмөтү азырынча бул тууралуу комментарий бере элек.

Жалал-Абаддык укук коргоочу Азимжан Аскаров «Базар-Коргондо 2010-жылдагы кандуу калабаны уюштурган» деген айып менен соттолуп, өмүрүнүн аягына чейин эркинен ажыратылган. Ал азыр Чүйдүн Жаңы-Жер айылындагы №19 абакта кармалууда.

Бир катар эл аралык укук коргоо уюмдары Аскаров куру доомат менен камалганын, ден соолугу начарлап кеткенин, аны бошотуп, дарылоого жөнөтүү керек экенин айтып келатышат. (RK)

XS
SM
MD
LG