Линктер

ЧУКУЛ КАБАР!
ишемби, 7-декабрь, 2019 Бишкек убактысы 21:17

Масалиев: Өкмөт Бишкектеги митингге реакция кылышы керек


Исхак Масалиев.

Өкмөт 25-ноябрда Бишкекте коррупцияга каршы өткөн митингге реакция кылышы керек. Жогорку Кеңештин депутаты Исхак Масалиев «Азаттыктын» «Эксперттер талдайт» берүүсүндө ушундай пикирин айтып, бул өкмөттүн түздөн-түз милдети экенин билдирди.

Өкмөт жарандык акцияга байланыштуу азырынча билдирүү жасай элек.

Митингдин алдында таратылган расмий билдирүүдө аткаруу бийлиги учурда коррупцияга каршы күрөшүү механизмдеринин натыйжасы жетишсиз экендигин премьер-министр түшүнөрүн, кадрдык жүрүштөр менен эле өзгөртүү жасоо мүмкүн эмес деп эсептей турганын жарыялаган.

Бишкектеги Ала-Тоо аянтында жарандык активисттер коррупцияга каршы «#REакция» деп аталган митинг уюштурушкан.

Бир сааттан ашык убакытка созулган иш-чаранын катышуучулары бийликтен коррупция менен күрөшүүнү, жемкорлорду камоону талап кылышты.

Байкоочулардын жана митингчилердин эсебинде ага 2 миңден ашуун, милициянын маалыматы боюнча 400дөн көп адам катышты. (SE)

Пикирлерди көрүңүз (5)

XS
SM
MD
LG