Линктер

ЧУКУЛ КАБАР!
12-Май, 2021 шаршемби, Бишкек убактысы 05:12

Жоробековдун жакындары анын кармалышын сөз эркиндигине басым деп баалашты


Афтандил Жоробеков Кара-Суудагы курулушу кечеңдеген мектеп боюнча «Азаттыктын» суроолоруна жооп берип жаткан учуру. Видеодон алынган сүрөт.

Аймак аралык касташууну козутуу фактысы боюнча кармалган активист Афтандил Жоробековдун бир тууган карындашы Чынара Темирова агасынын кармалышын сөз эркиндигине басым деп баалап, кайрылуу таратты. Ал агасы «Фейсбуктагы» «Беспредел KG» баракчасынын ээси болгонун, анда коррупция, аткезчилик жана башка мыйзамсыздык тууралуу жазып келгенин билдирүүдө.

Жоробекового коюлуп жаткан айыптар негизсиз экенин айткан Чынара Темирова акыркы жолу баракчада Айеркен Саймаитинин, Хабибулла Абдукадырдын жана Сооронбай Жээнбековдун ысымдарына байланыштуу пост коюлганын белгилейт. Темирова кастыкты козутууга далил катары да ушул боюнча посттор тартылып жатканын айтууда.

Видео кайрылуусунда активисттин карындашы «Ата Мекен» партиясынын лидери Өмүрбек Текебаевге кайрылып, агасы анын тарапкери болгонун, колунан келсе колдоо көрсөтүшүн өтүнөт. Темирова президент Сооронбай Жээнбеков да бул ишке көңүл бөлөт деп үмүттөнөт.

Мунун алдында Улуттук коопсуздук боюнча мамлекеттик комитеттин (УКМК) Башкы тергөө башкармалыгы аймак аралык касташууну козутуу фактысы боюнча социалдык тармактардын активдүү колдонуучусун (А.Ж.) кармаганын кабарлаган. Комитеттин басма сөз кызматынын маалыматында айтылгандай, кармалган жаран жалган, чагымчыл жана учурдагы өкмөттү жамандаган маалыматтарды жайылтып келген.

Кийин ал өкмөттү сынга алып келген активист Афтандил Жоробеков экени такталып, сот аны 2020-жылдын 24-январына чейин камакка алганы белгилүү болду. (ErN)

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG