Жалал-Абад шаарынын тургуну, мурда айдоочу болуп эмгектенген Абдуллажан Насыров мамлекет чегерчү пенсиядан өз ыктыяры менен баш тартканына бир топ жыл болду. Байбичесин да пенсияга чыгарган эмес. Мындай кадамын ал кезегинде мамлекеттен мыйзамсыз алган ашык акчасынын кенемтеси катары түшүндүрүп келатат. Социалдык фонд башкармалыгы болсо карылыктын курагы келгенде пенсия алуу же албоо ар бир жарандын өз эрки экенин билдирүүдө.