Линктер

ЧУКУЛ КАБАР!
шейшемби, 10-декабрь, 2019 Бишкек убактысы 12:31

Забайкальскиде аза күтүү күнү жарыяланды


Жол кырсыгы 19 адамдын өмүрүн алды.

Орусиянын Забайкальск аймагында 19 адамдын өмүрүн алган жол кырсыгына байланыштуу 2-декабрь аза күтүү күнү деп жарыяланды. Чөлкөмдөгү бардык мамлекеттик мекеме-ишканалардагы туулар түшүрүлүп, көңүл ачуучу иш-чаралар токтотулду.

Жекшембиде Сретен районунда эл ташыган автобус көпүрөдөн кулап кеткенде дагы 22 жүргүнчү жабыркаган. Алардын ичинен төртөөнүн абалы оор.

Баштапкы маалыматтарга караганда, кырсыкка автобустун алдыңкы дөңгөлөгүнүн жарылышы себеп болгон. Автобус көпүрөдөн Куэнга дарыясына кулап түшкөн.

Ушундай эле автобус кырсыгы 1-декабрда Тунисте катталды. Каргаша 24 кишинин өмүрүн алды. Алардын баары курортко эс алууга бараткандар эле. Жаракат алгандардын саны 18ге жетти. Бийлик кабарлагандай, айдоочу чукул бурулуштардын биринен автобусту башкара албай калган. Ичинде 43 жүргүнчүсү бар автобус жардан кулап кеткен.

Пикирлерди көрүңүз

Ушул тапта техникалык жөндөө жумушу жасалып жатканына байланыштуу сиз издеген материал ачылбай жатат. Бул үчүн көптөн-көп кечирим сурайбыз. Бир аз убакыттан соң кайра ачып көрүңүз деп суранаар элек.

XS
SM
MD
LG