Баткен шаарынын Кызыл-Дөң конушунда 375 орундуу жаңы типтүү мектептин курулушу башталды. Ага Сауд өнүктүрүү фондунан 84 млн. сом грант бөлүнгөнүн өкмөттүн облустук өкүлчүлүгү кабарлады.
Курулуш 2020-жылдын аягына бүткөрүлүп, пайдаланууга берилет.
2019-жылда Баткен облусунда курулушу башталган жана капиталдык оңдоп-түзөөдөн өткөн 31 билим берүү мекемеси бар.
Жаңы окуу жылына республикалык бюджеттен 3 типтүү, донорлордун эсебинен 1 башталгыч мектеп курулуп, пайдаланууга берилген.
2020-2021-жаңы окуу жылына дагы 7 мектепти пайдаланууга берүү боюнча аракеттер жүрүп жатат. Облуста жалпысынан 233 орто мектеп бар. (JsA)
