Линктер

ЧУКУЛ КАБАР!
жума, 24-январь, 2020 Бишкек убактысы 02:54

Делиде фабрикадагы өрт 43 адамдын өмүрүн алды


Делинин кырсык болгон аймагы, 8-декабрь 2019-жыл.

Индиянын баш калаасы Нью-Делиде баштык тиккен фабрикада өрт чыгып, кеминде 43 адамдын өмүрү кыйылды. Элүүдөй киши аман-эсен куткарылды. Полиция бул кырсык боюнча "Киши өлтүрүү" беренеси менен кылмыш ишин козгогону белгилүү болду.

Тилсиз жоо алты кабаттуу фабриканы 8-декабрда таңкы саат 5-6лар чамасында чулгаган. Каза тапкандардын көбү имараттын ар кайсы кабаттарында уктап жаткан жумушчулар болгон.

Индиянын маалымат каражаттары бул фабриканын өрт коопсуздугу боюнча сертификаты жок экенин билдирип жатышат. Премьер-министр Нарендра Моди бул кырсыкты "өтө үрөй учурган" трагедия деп атады.

Индияда имараттардын кожоюндары же бизнес ээлери өрт коопсуздугун толук сактабагандыктан фабрика, заводдордо тилсиз жоо байма-бай катталып турат. Бирок бул жолу кол баштыктарды тигүүдө колдонулган материалдар өрттүн күч алышына жана курмандыктардын санынын көбөйүшүнө себепчи болгону белгиленип жатат.

XS
SM
MD
LG