Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 10:13

Жээнчороев «Республика» партиясынын лидери болду


Мирлан Жээнчороев.

"Республика" партиясынын жаңы лидери болуп шайланган Мирлан Жээнчороев партиянын ишмердүүлүгүн Өмүрбек Бабановсуз эч ким элестете албайт деп эсептейт. Бул тууралуу ал бүгүн партиянын кезексиз съездинде төрага болуп шайлангандан кийинки сөзүндө айтты.

Жээнчороев "Бабанов койгон деңгээлди алып кетүү оор болот. Бул жөн эле кызмат эмес, чоң жоопкерчилик" деп белгиледи.

Бүгүнкү съездде Бабанов саясий ишмердигин жыйынтыктап жатканын айтып, жаңы лидер катары Мирлан Жээнчороевди көрөрүн кошумчалады. Натыйжада Жээнчоров партиянын жаңы жетекчиси болуп шайланды.

Саясатчы Өмүрбек Бабанов Улуттук коопсуздук боюнча мамлекеттик комитетте (УКМК) жана Экономикалык кылмыштарга каршы күрөш боюнча мамлекеттик кызматта (Финансы полициясы) азыркы тапта өзүнө байланыштуу баш-аягы сегиз иш иликтенип жатканын айткан. Буга чейин ал өзүнө козголгон иштер боюнча УКМК менен Финполицияга бир нече жолу сурак берип чыккан.

Жээнчороев парламенттеги "Республика Ата-Журт" фракциясынын депутаты. (NT/RK)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG