Ош, Жалал-Абад облустарында катуу шамалдын кесепетин жоюу иштери уланууда. Өзгөчө кырдаалдар министрлигинин 23-декабрдагы маалыматына караганда, 22-декабрда Оштун Чоң-Алай районунда ылдамдыгы секундасына 22-28 метрге жеткен шамал катталып, айрым айылдарда мектеп, Маданият үйү, турак үйлөрдүн жалпы аянты 689 чарчы метрлик чатырын учуруп кетти.
Алайда катуу шамалдан алты үй жабыркады.
Жалал-Абаддын Ала-Бука районунда 80дей үйдүн чатыры талкаланды.
Тиешелүү мекемелер комиссия түзүп, жеринде тактоо иштерин жүргүзүп жатышат.
Адам өмүрүнө зыян тийген учур катталган жок. (RK)