Линктер

ЧУКУЛ КАБАР!
12-Май, 2021 шаршемби, Бишкек убактысы 19:26

Кочкор-Ата мэриясы өз эсебинен "Коопсуз шаар" долбоорун ишке киргизди


Премьер-министрдин Кочкор-Атадагы иш сапары.

Оштогу "Хай-теч Эмир" компаниясы Жалал-Абад облусундагы Кочкор-Ата шаарындагы "Коопсуз шаар" долбоорун ишке ашырды. Өкмөттүн басма сөз кызматы билдиргендей, премьер-министр Мухаммедкалый Абылгазиев 20-декабрда долбоор менен таанышып келди.

"Долбоор Кочкор-Ата шаарында 2019-жылдын 1-ноябрында ишке киргизилген. Кыймыл эң көп болгон 16 кесилишке 106 камера коюлду. Электр жарыгысыз эле 6 саатка чейин иштеген камералар үч режимде иштейт: күндүзгү жана түнкү съемка, унаалардын мамлекеттик каттоо номерлерин фиксациялоо",- деп айтылат расмий маалыматта.

"Economist" сайтынын маалыматына караганда, Кочкор-Ата шаарынын мэриясы "Коопсуз шаар" үчүн июлда 7,7 миллион сомго тендер жарыялаган, каражат жергиликтүү бюджеттен сарпталат.

Улуттук статистика комитетинин маалыматына караганда, Кочкор-Атада 2019-жылдын 1-январына карата 17 миң адам жашайт.

Бишкекте «Коопсуз шаар» долбоору 2019-жылдын 12-февралында ишке кирген. Анын алкагында жолдорго, көчөлөргө жол эрежесин бузган айдоочуларды каттаган жана адамды жүзүнөн таануу функциясы бар видео байкоо камералары орнотулууда. Долбоорду орусиялык «Вега» концерни ишке ашырып жатат.

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG