24-декабрга караган түнү өрт кырсыгынан улам Тогуз-Торо районунун Казарман айылында алты жаштагы кыз жана Ысык-Ата районунун Кант шаарында 51 жаштагы киши каза болду. Бул тууралуу Өзгөчө кырдаалдар министрлигинен кабарлашты.
Тогуз-Тородо турак үйдүн ичиндеги терезе парда күйүп кеткен. Өрт электр жабдыктарын куроодо жана пайдаланууда эреженин бузулушунан келип чыккан.
Канттагы кырсыктын себеби такталууда. Мындагы өрт үйдүн чатырынын 25 чарчы метрин жалмаган. (ErN)
