Кыргызстандан Кытайга товар экспорттоо көлөмү жогорулап жатат. Бул тууралуу мамлекет башчысы Сооронбай Жээнбеков бүгүн жыл жыйынтыгы боюнча пресс-конференцияда билдирди:
- Кытайга экспорттолуучу кээ бир товарлар боюнча макулдашууга жетиштик. 2019-жылы Кытайга товар экспорттоо 25% өстү. Азыр Кытай жакка экспорт боюнча абдан жогорку деңгээлде сүйлөшүүлөрдү өткөрүп жатабыз. Буюрса бул рынокко киргенге толук мүмкүнчүлүгүбүз бар.
Президенттин быйылкы жылдын жыйынтыгы боюнча басма сөз жыйынына катышууга 92 жалпыга маалымдоо каражатынан 188 журналист аккредитациядан өткөнү кабарланган. Алардын ичинен 160ы жергиликтүү, 15и чет элдик журналисттер. (BkA)
