Линктер

ЧУКУЛ КАБАР!
29-Ноябрь, 2021 дүйшөмбү, Бишкек убактысы 20:30

Рим папасы жылдык кайрылуусунда мигранттарды коргоду


Рим папасынын кайрылуусун Ыйык Петр аянтында миңдеген адамдар угуп турушту, 25-декабрь, 2019-жыл.

Рим папасы Франциск Рождествого карата Ватиканда жасаган жылдык кайрылуусунда качкындар менен мигранттарды коргоду. Ал катаал турмуштун айынан жер которууга аргасыз болгондордун жолун "кайдыгерликтин дубалы" тороп жатканын айтты.

"Адилетсиздик аларды көрүстөнгө айланган чөлдөр менен деңиздерди кесип өтүүгө аргасыз кылып жатат", - деди Рим папасы. Мындан тышкары Франциск диний ишениминен улам куугунтукталгандар тууралуу сөз кылып, христиандарга каршы чабуулдар орун алган Африкадагы Буркина-Фасо, Мали, Нигер жана Нигерия мамлекеттериндеги кырдаалга токтолду. Рождествого караган түнү Буркина-Фасодо исламчыл экстремисттик топтун чабуулунан 35 адам мерт болгон эле.

83 жаштагы Рим папасы куралдуу жаңжалдар токтобой жаткан Сирия, Украина, Йемен сыяктуу өлкөлөрдө тынчтык орнотуу зарылчылыгын да баса белгиледи.

Дүйнөдөгү 1,3 миллиарддай католиктердин диний лидери саналган Рим папасы Франциск ушуну менен жетинчи жолу Рождествого карата кайрылуу жасады.

Рождество - христиан дининдеги эң чоң майрамдардын бири. Аны католиктер менен протестанттар 25-декабрда, ал эми православдар 7-январда белгилешет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG