Жогорку Кеңеште Бишкек шаарынын абасынын булганышы талкууланып жатат. Абага бөлүнүп чыккан зыяндуу заттарды азайтуу үчүн электр энергиясына болгон тарифтеги айрым чектөөлөргө өзгөртүү киргизүү сунушталды.
Тагыраагы демилгечилер "0.77 сом" тарифинин чегин айына 700 кВт/сааттан 1500 вВт/саатка көтөрүүнү айтып чыгышты.
Кыргызстанда электр тарифи акыркы жолу 2015-жылы жайында көтөрүлгөн. Бүгүнкү күнү 700 кВт саатка чейинки электр энергиясына баа 77 тыйын, андан ашканына 2.16 тыйындан тариф коюлган. Өнөр жай, айыл чарба жана бюджеттик мекемелер 2.24 тыйындан төлөйт.
