Бишкектин сыртында таштанды төгүүчү полигон куруу иштери 60 процент аяктап калды. Бул тууралуу борбор калаанын вице-мэри Мирлан Амантуров билдирди.
Амантуровдун белгилешинче, полигон пайдаланууга келерки жылы берилет:
- Полигон 60 процент бүтүп калды. Сорттоочу завод март айында башталат. 2020-жылдын декабрында сорттоочу завод менен жаңы полигон ишке кирет.
Вице-мэрдин айтымында, таштандыны кайра иштетүүчү завод куруу боюнча да аракет көрүлүп жатат. Инвестор изделүүдө. Бүгүнкү күндө алты компания менен сүйлөшүү жүрүп жатканы белгилүү болду. (RK)