Жаңы жылды майрамдоо түнү Бишкекте коомдук тартипти эки миңден ашуун милиция кызматкери көзөмөлдөйт. Бул тууралуу мэрия кабарлады.
Негизги майрамдык иш-чара Ала-Тоо аянтында өтөт. Эстрада жылдыздарынын концерти болот.
Концерт аяктагандан кийин коомдук автотранспорт түнкү саат 2ге чейин иштейт. Троллейбустар сегиз багыт боюнча каттамдарды кечки саат 10до башташат.
Ала-Тоо аянтында майрамдык иш-чара аяктаганча “Тез жардам” жана өрткө каршы кызмат күзөттө болот. Ошол эле жерде 20 биотуалет орнотулат.
«Тазалык», «Бишкекжарык» бригадалары кызматта болот. (RK)