Линктер

ЧУКУЛ КАБАР!
шаршемби, 29-январь, 2020 Бишкек убактысы 05:43

“Азаттыкка” жарыяланган иликтөө дүйнөдөгү "кызыктуу долбоорлордун" бири аталды


«Азаттык» радиосу, «Уюшкан кылмыштуулукту жана коррупцияны иликтөө долбоору» (OCCRP) жана анын Кыргызстандагы өнөктөшү «Kloop» маалымат агенттиги биргелешип даярдаган иликтөө эл аралык жогорку баага татыды.

Эл аралык журналисттик түйүн катары таанымал IJnet уюму 2019-жылдагы эң кызыктуу журналисттик долбоорлордун тизмесин түздү. Бул уюмга белгилүү котормочулар жана редакторлор мүчө.

Тизмеге португал, испан, орус жана англис тилдеринде жарыяланган иликтөөлөр кирди.

«Бажыдагы миллиондор: карактоо жана калкалоо» деген иликтөөдө Кыргызстанга миллиондогон акча мыйзамсыз кирип-чыгып турганы тууралуу маалымдалат. Анда Мамлекеттик бажы кызматынын жетекчисинин мурдагы орун басары Райымбек Матраимовдун да аты аталат.

Иликтөөгө байланыштуу бир туугандар Райымбек жана Искендер Матраимовдор, алардын жубайлары жана үй-бүлөлүк «Ысмайыл Матраимов атындагы фонд» үч медианын үстүнөн сотко кайрылган. Алар «Матраимовдордун кадыр-баркына доо кетирген» деп «Азаттык» радиосунан, кабарчы Али Токтакуновдон, «Kloop» жана «24.kg» сайттарынан жалпысынан 60 миллион сом өндүрүп берүүнү өтүнүштү.

Райымбек Матраимов иликтөөдө сөз болгон 700 миллион долларга эч кандай тиешеси жок экенин, анда айтылган маалыматтарды «жалган жалаа» деп эсептей турганын 6-декабрда билдирген. (RK)

Пикирлерди көрүңүз (17)

XS
SM
MD
LG