Линктер

ЧУКУЛ КАБАР!
28-Ноябрь, 2021 жекшемби, Бишкек убактысы 21:44

Гүлнара Каримованын Швейцариядагы үйүндө табылган сүрөттөр Өзбекстанга кайтарылат


Гүлнара Каримова.

Өзбекстандын Башкы прокуратурасы өлкөнүн мурдагы президенти Ислам Каримовдун кызы Гүлнара Каримованын чет өлкөдөгү байлыгын кайтаруу боюнча иштерди жүргүзүп жатканын жарыялады. Маалыматка ылайык, бул багытта Өзбекстандын тиешелүү органдары Швейцарияда, Францияда, Орусияда, Латвияда жана башка өлкөлөрдө иш жүргүзүп жатышкан.

«Швейцариянын Федералдык прокуратурасы менен бирге өзбекстандык эксперттердин катышуусунда Гүлнара Каримованын Женевадагы вилласында табылган 70тен ашык искусство буюмунун (сүрөттөр, жасалгалар) өлкөбүздүн улуттук өнөрүнө тиешесин аныктоо жана кайтаруу боюнча иштер жүрүп жатат», деп айтылат Башкы прокуратура тараткан маалыматта.

Гүлнара Каримовага 2015-жылы Швецияда, Швейцарияда жана АКШда кылмыш иштери козголуп, ал миллиард доллардай каражатты өздөштүрүп алган деп айыпталган.

2017-жылы атасы көз жумгандан кийин Каримова Өзбекстанда «Салык төлөөдөн качуу», «Акча уурдоо», «Опузалоо» жана «Офшордук компаниялардын документтерин жок кылуу» беренелери боюнча 10 жылга эркинен ажыратылган.

Анын Өзбекстандагы үйлөрүнөн 985 даана искусство предмети ( сүрөт, жасалгалар, жыгачтан жасалган баалуу буюмдар) табылганы кабарланган. Жалпы баасы 12, 7 миллиард өзбек сумуна бааланган бул буюмдар Өзбекстандын мамлекеттик музейлерине өткөрүлүп берилген.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG