Линктер

ЧУКУЛ КАБАР!
9-Декабрь, 2021 бейшемби, Бишкек убактысы 06:54

Чек арадагы мектепте окуу башталды


Баткендин Көк-Таш айылы, Ш.Ганы орто мектеби. 10-январь, 2020-жыл.

Бул тууралуу «Азаттык» радиосуна Баткен облусунун Баткен районунун Көк-Таш айылындагы Шайдулла Ганы орто мектебинин директору Канатбек Боронов билдирди. Маалыматка ылайык, 08:30дан баштап бардык предметтер боюнча окуу башталды. Чек ара айылындагы Шайдулла Ганы мектебинде 204 окуучу окуйт. Эки кабаттуу мектеп 2018-жылы октябрь айында пайдаланууга берилген. Мектептин эски имараты балдар бакчасына өткөн.

- Бүгүн саат 8:30 бардык сабактарды баштадык. Бизде 204 окуучу бар. Жаңы мектепке 2018-жылы октябарда киргенбиз. Эски мектеп тажик айылына жакын чек арада жайгашкан, - деди мектеп директору Канатбек Боронов.

10-январга караган түнү кыргыз-тажик чек арасында болгон чатактан соң Баткен районунун Көк-Таш айылындагы орто мектепке жайгаштырылган 254 адам 12-январь күнү үйлөрүнө тараган.

Чек арадагы чатактан улам 10-январга караган түнү Баткен районунун Көк-Таш айылынын 250дөй тургуну коопсуз жайга чыгарылып, айылдагы мектепке жайгаштырылган. Алардын көпчүлүгү жаш балдар жана аялдар болчу.

Кыргызстандын Мамлекеттик чек ара кызматынын маалыматына ылайык, учурда кыргыз-тажик чек арасында абал туруктуу. (MdN)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG