Линктер

ЧУКУЛ КАБАР!
шаршемби, 26-февраль, 2020 Бишкек убактысы 05:59

Президентке кайрылгандардын 42,5% сот, укук коргоо органдарынын ишине нааразы


Президентке келген кайрылуулардын бири.

Президенттин аппаратына 2019-жылы 15 миң 305 кайрылуу келген. Алардын 4826сы же 42,5% сот жана укук коргоо органдарынын ишине байланыштуу.

Прокуратура органдарына байланыштуу 1 982, соттор боюнча 1 810, ички иштер органдарына тийиштүү 789, финансы полициясы боюнча 117, улуттук коопсуздук органдарына тийиштүү 86, жаза аткаруу кызматына байланыштуу 42 арыз-даттануулар түшкөн.

Ал эми социалдык маселелер боюнча 3007 кайрылуу келген. Бул 26,5% түзөт.

Президенттин жана анын аппаратына келген кайрылуулардагы маселелердин көпчүлүгү жергиликтүү бийлик тарабынан чечилчү маселелер жана мамлекет башчысынын түздөн-түз кийлигишүүсүн талап кылбайт.

- Бирок, алардын иши канааттандырарлык эмес болуп жаткандыктан, бул кемчиликтер жарандарын нааразычылыгын жаратып, алар аргасыздан президентке кайрылып жаткандыгын көрсөтөт, - деп айтылат маалыматта.

Жыйынтыгында, 264 кайрылуу толук ал эми 309у жарым-жартылай канааттандырылган. 392 кайрылуудагы өтүнүчтөр четке кагылып, 6734 жаранга кайрылууларда көтөрүлгөн маселелери боюнча түшүндүрмөлөр берилген.

Калган 2 547 кайрылуу тиешелүү мамлекеттик жана өз алдынча башкаруу, сот жана укук коргоо органдарынын кароолоруна жиберилген. (BTo)

Пикирлерди көрүңүз (2)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG