Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 21:05

Кытайда белгисиз вирус жайылууда


Белгисиз вирусту жугузуп алганы айтылган бейтап. Хубэй провинциясы, Кытай. 18-январь, 2020-жыл.

Кытайда мурда белгисиз вирус жайылып жатат. Өткөн дем алыштарда эле 139 жаңы учур катталды. Өлкө бийлиги 20-январда ушуну менен үчүнчү киши дем алуу органдарын, өпкөнү сезгенткен илдеттен көз жумганын билдирди. Вирус тараган булактын аныкталбай жатканы дүйнө коомчулугун, адистерди өзгөчө камтама кылат. 2002-жылы ушундай вирус Кытай менен Гонконгдо 600дөн көп кишинин өмүрүн алып кеткен.

Бэжинде түзүлгөн комиссия оору адегенде Ухань шаарында катталган деген жыйынтыкка келди. Бирок 3 жаңы бейтап Кытайдын башка жерлеринде аныкталды. Улуттук саламаттык сактоо комисссиясы Кытай Жаңы жылын майрамдоо учурунда көзөмөл жана алдын алуу чаралары күчөтүлөрүн эскертти.

Дарыгерлер жаңы короновирусту изилдөөгө киришти. Эксперттер вирус жаныбарлардан адамдарга жуккан болушу мүмкүн дешет. Ошол эле учурда адамдан адамга жугушу ыктымал экенин жокко чыгарышпайт.

19-январга карата Уханда 198 кишинин диагнозу такталган. АКШнын Сан-Франциско, Лос-Анжелес жана Нью-Йорк шаарларындагы аэропорттордо Кытайдын борбордук бөлүгүнөн келген жүргүнчүлөрдү текшере башташты.

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG