Расмий органдардын маалыматына караганда, Ооганстандын түштүк-чыгышындагы Хост провинциясында үйлөнүү үлпөт тоюн майрамдап жаткандарга ыргытылган граната жарылып, кеминде 20 киши жарадар болду. Азырынча гранатаны кимдер ыргытканы белгисиз.
Ошондой эле 25-январда болгон жардыруу боюнча да жоопкерчиликти эч ким ала элек. Анда Кабулда полициянын машинесине коюлган, колго жасалган жардыргыч жарылган. Анын кесепетинен бир киши өлүп, төрт жай тургун жаракат алган. (TSh)
