Линктер

ЧУКУЛ КАБАР!
3-Декабрь, 2021 жума, Бишкек убактысы 03:48

Абылгазиев: Көмүскө экономиканын деңгээли дагы эле жогору (видео)


Өкмөт Үйү. 27-январь, 2020-жыл.

Кыргызстанда көмүскө экономиканын деңгээли жогору бойдон калууда. Бул тууралуу премьер-министр Мухаммедкалый Абылгазиев 27-январда өкмөттүн кеңейтилген курамдагы жыйынында айтты.

Өкмөт башчынын маалыматына караганда, көмүскө экономиканын деңгээли болжол менен 130 миллиард сомду же ички дүң өнүмгө карата 23,6% түзүүдө.

Абылгазиев 13-январда салык жана бажы жол-жоболорун санариптештирүү боюнча жыйында айрым эксперттер көмүскө экономиканын үлүшү 24-43% чейин жетерин айтып жатканын билдирген.

Өкмөт башчы салык төлөмдөрү туура башкарылса көптөгөн социалдык маселелерди чечсе болорун билдирген.

Абылгазиев өкмөттүн бүгүнкү жыйынында соттук-укуктук реформаларга 2019-жылы 820 миллион сом бөлүнгөнүн кошумчалады.

Премьер белгилегендей, бул чаралардын баары дүйнөлүк рейтингде өлкөнүн Коррупцияны кабылдоо индексин жакшыртууга алып келди.

2019-жылдын жыйынтыгы боюнча Кыргызстан 180 өлкөнүн ичинен 126-орунга чыгып, алты пунктка позициясын жакшырта алды. (BTo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG