Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 00:15

18 жаштагы ырчы «Грэмминин» башкы жеңүүчүсү болду


Поп-ырчы Билли Айлиш, Лос-Анжелес. 26-январь, 2020-жыл.

18 жаштагы америкалык поп-ырчы Билли Айлиш быйылкы «Грэмми» сыйлыгынын башкы жеңүүчүсү болду. Ал Лос-Анжелесте 26-январда өткөн сыйлык тапшыруу аземинде «мыкты ыр», «мыкты альбом», «мыкты дебют» өңдүү беш категорияда алдыга суурулуп чыкты.

Айлиш бул сыйлыкты алган тарыхтагы эң жаш аткаруучу болуп калды. Поп-ырчы өзүнүн «When We All Fall Asleep, Where Do We Go?» аттуу алгачкы альбомун Лон-Анжелестеги үйүндө жаздырган. Жаш аткаруучунун агасы Финнеас О'Коннелл да карындашынын альбомун жаздырган продюсер катары «Грэмми» сыйлыкка татыды.

Билли Айлиштен тышкары Лил Нас X аттуу рэппер «Old Town Road» ырынын клиби менен «мыкты видео» категориясында жеңүүчү аталды. Ал эми америкалык аткаруучу Лиззо үч «Грэммиге» татыды.

«Грэмми» сыйлыктарын америкалык үн жазуу академиясы 1958-жылдан бери ыйгарып келет.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG