Линктер

ЧУКУЛ КАБАР!
18-Май, 2021 шейшемби, Бишкек убактысы 04:20

Кытайдын премьери Уханга барды


Кытайдын Ухань шаары. 24-январь, 2020-жыл.

27-январда Кытайдын премьер-министри Ли Кэцян коронавирус биринчи жолу катталган Ухань шаарына барды. Мамлекеттик медиа кабарлагандай, өкмөт башчы жергиликтүү бийликтин өкүлдөрү жана дарыгерлер менен жолугуп, шаарда илдетке чалдыккандар үчүн чукулунан салынып жаткан оорукананын курулушу менен таанышты.

Кытайда өпкөнү сезгенткен коронавирустан каза тапкандардын саны 81 адамга жетти. Бийлик 3 миңге чукул адам жаңы вирусту жуктуруп алганын ырастады. Расмий Бээжин вакцинасы табыла элек илдеттен улам Кытай Жаңы жылына карата эс алуу күндөрүн үч күнгө узартты.

Хубэй провинциясынын Ухань баштаган бир нече шаарында карантин уланып жатат. Дүйнөлүк саламаттык сактоо уюмунун башчысы Тедрос Аданом Гебреисус Бээжинге келип, Кытай өкмөтүнүн өкүлдөрү менен сүйлөшүүлөрдү жүргүзүүдө.

Адам организминде буга чейин кездешпеген вирустан улам дүйнөнүн бир катар өлкөлөрү коопсуздук чараларын күчөтүп жатышат. Кыргызстан Кытай менен каттамдарды убактылуу токтотконун премьер-министр Мухаммедкалый Абылгазиев 27-январда өкмөттүк жыйында билдирди.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG