Линктер

ЧУКУЛ КАБАР!
бейшемби, 2-апрель, 2020 Бишкек убактысы 00:20

Казакстанда Кытайдан келген дагы беш киши вирустук инфекция боюнча шек саналууда


Иллюстрациялык сүрөт.

Казакстанда Кытайдан келген дагы беш киши вирустук инфекцияга байланыштуу шек менен ооруканага жаткырылды. Бул тууралуу өлкөнүн башкы санитардык дарыгери Жандарбек Бекшин билдирди.

- Буга чейин ооруканага жаткырылган төрт кишинин экөө үйлөрүнө коё берилди. Жаңы эле курч респиратордук вирустук инфекция жугузуп алган деген шек менен Алматыда бир адам, Акмоло облусунда төрт кишиден турган бир үй-бүлө ооруканага жеткирилгени тууралуу кабар келди. Алар да буга чейин Кытайда болуп келишкен, - деди Бекшин.

Ал ортодо Казакстандын Тышкы иштер министрлиги (ТИМ) Кытайда коронавирустун жайылып жатканына байланыштуу кытай жарандары үчүн 72 сааттык визасыз режим убактылуу токтотулганын билдирди. Мындан тышкары аэропорттордо бул өлкөнүн жарандарына электрондук виза берүүдө ден соолугу тууралуу маалымкат талап кылынууда.

ТИМдин маалыматына караганда, бүгүнкү күндө Кытайда 1 300 казак жараны бар. Алардын жарымын Хайнань курортунда эс алып жүргөн туристтер түзөт.

28-январда Кыргызстанга Кытайдын Шинжаң аймагынан кайтып келген алты кыргызстандык студент изолятордо кеминде он күн кармала турган болду.

Пикирлерди көрүңүз (4)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG